Հարգելի Narine, բարև Ձեզ: Սերմնաժայթքումից հետո, բեղմնավորման համար անհրաժեշտ  սերմնահեղուկի քանակը կուտակվում է հեշտոցի հետին կամարում, որտեղից էլ ակտիվ սպերմատոզոիդներն անցնում են արգանդի խոռոչ: Սերմնահեղուկի  մնացած մասը դուրս է գալիս հեշտոցից: Ինչ վերաբերում է չհղիանալուն, պատճառները բազմաթիվ են: Սկզբի համար ցանկալի է ստուգել ձվազատման ֆունկցիան:

Հարգելի Krisitna, բարև Ձեզ: Մանրամասն ինֆորմացիա կարող եք ստանալ Մոր և Մանկան առողջության պահպանման գիտահետազոտական կենտրոնից (նախկին Մարգարյան ծննդատուն): Ստորև կոնտակտային տվյալներն են.

Ք. Երևան Մաշտոցի պող. 22 շենք.

հեռ. (010) 53-13-42

        (010) 53-01-72

Հարգելի Veronika, բարև Ձեզ: Անպտղության պատճառներից մեկը փողերի անանցանելիությունն է: Սակայն առանց հետազոտվելու կարելի է ընդամենը ենթադրել: Դա պարզելու համար կատարվում է հիստերոսալպինգոգրաֆիա: Ինչ վերաբերում է դաշտանային ցիկլին, հարկավոր է նաև պարզել ձվազատում կանոնավոր կատարվում է, թե ոչ:

Հարգելի Veronika, բարև Ձեզ: Անպտղության պատճառները բազմաթիվ են: Պատճառ կարող են լինել ինչպես Ձեր, այնպես էլ ամուսնու առողջական խնդիրները: Եթե այլ հետազոտություններ անցել եք, կարող եք ներկայացնել,  կփորձենք օգնել Ձեզ:

Հարգելի Mariam, բարև Ձեզ: Հայցում ենք Ձեր ներողամտությունն ուշացած պատասխանի համար: Արգանդի պարանոցի էրոզիայի կասկածի դեպքում հարկավոր է կատարել օնկօցիտոլոգիական քննություն, պարզելու համար կա բջիջների ատիպիզմ, թե ոչ: Կախված արդյունքներից բուժումը տարբեր է: Վտանգավոր է, այնքանով, որ համապատասխան բուժում չստանալու դեպքում հնարավոր է  նաև չարորակացում: Այդ պատճառով ցանկալի է բուժում ստանալ որքան հնարավոր է շուտ: Բուժումը կարող է լինել կոնսերվատիվ, այսինքն դեղորայքային կամ վիրահատական` արգանդի պարանոցի էլեկտրոկոնիզացիա:

Հարգելի Liana, բարև Ձեզ: Արտամարմնայի բեղմնավորման դեպքում փողերը հեռացնելու կարիք չկա: Արտամարմնային բեղմնավորման ժամանակ ձվարանից վերցվում է ձվաբջիջը, կատարվում է բեղմնավորում արհեստական միջավայրում, որից հետո սաղմն արդեն տեղադրվում է արգանդի խոռոչ:

Հարգելի Marine, բժիշկները ճիշտ խորհուրդ են տվել, հարկավոր է Ձեր ստացած բուժումից հետո, միանշանակ, սպասել երեք  տարի, ապա նոր մտածել արտամարմնային բեղմնավորման մասին: Ամեն դեպքում, մեկ տարի չորս ամիսը առանձնապես լուրջ ժամկետ չէ կատարյալ առողջացում համարելու համար:

Հարգելի Անի, բարին Ձեզ հետ:)

Հարգելի Անի, բարև Ձեզ, Ձեր նկարագրած ջրային գոյացությունը կարող է լինել հասունացած ձվաբջջի բուշտը (դեղին մարմնիկ), և անցում ձվազատման փուլի, կամ ձվարանի կիստա, որը, լինելու դեպքում, ամենայն հավանականությամբ փոքր է ու անվտանգ, քանի որ ցավեր չունեք։ Փորձենք լինել համբերատար ու սպասենք դրական պատասխանի։

Հարգելի Անի, բարև Ձեզ, անպտղության մասին կարելի է մտածել միայն ամուսնությունից մեկ տարի անց, փորձեք չկենտրոնանալ դրա վրա, դա միայն կխանագարի Ձեզ. շեղեք Ձեր ոշադրությունը, շարունակեք ապրել և վայելել այսօրվա կյանքը, հավատացեք, դա միայն կօգնի Ձեզ ձեռք բերել հղիանալու հավանականություն։ Եթե չունեք որևէ առողջական խնդիր, անպտղության խնդրով դիմեք ամուսնությունից մեկ տարի անց, ու անպայման հետազոտվեք երկուսով` ամուսնու հետ միասին։